Հակոբյան Արմեն

	Հակոբյան Արմեն Առնոլդի
	Արցախի Հանրապետության ԱԺ 7-րդ գումարման պատգամավոր
	Արցախի Հանրապետության ԱԺ 7-րդ գումարման պատգամավոր
Կուսակցություն՝	Անկուսակցական, խմբակցություն՝ «Ազատ հայրենիք-ՔՄԴ» կուսակցությունների դաշինք
Կրթություն՝	ԱրՊՀ-ի «Գյուղատնտեսության մեքենայացում» բաժին, Երևանի մենեջմենթի համալսարանի «Իրավագիտություն» բաժին
Մասնագիտություն՝	ինժեներ-մեխանիկ, իրավաբան
Ազգություն	հայ
Ծննդյան օր	հունիսի 19-ին, 1974(46 տարեկան)
Ծննդավայր	Ստեփանակերտ,Արցախ
Զավակներ	2
Կայք՝	nankr.am
Պարգևներ	«Երախտագիտություն», «Վաչագան Բարեպաշտ», «Գարեգին Նժդեհ» մեդալներ

Վիքիպեդիայում կան հոդվածներ Հակոբյան ազգանունով այլ մարդկանց մասին։

Հակոբյան Արմեն Առնոլդի (ծնվել է հունիսի 19-ին, 1974 թվականին, Ստեփանակերտ, Արցախ), Արցախի Հանրապետության Ազգային ժողովի պատգամավոր Արխիվացված 2020-08-03 Wayback Machine «Ազատ հայրենիք-ՔՄԴ» կուսակցությունների դաշինքի համամասնական ցուցակով, Արցախի Հանրապետության Ազգային Ժողովի արտադրության և արտադրական ենթակառուցվածքների հարցերի մշտական հանձնաժողովի անդամ Արխիվացված 2020-08-09 Wayback Machine, «Արցախի Հանրապետություն-Լիտվայի Հանրապետություն» բարեկամության շրջանակի անդամ Արխիվացված 2020-08-09 Wayback Machine, «Արցախ-Կիպրոս» բարեկամության շրջանակի անդամ Արխիվացված 2020-08-09 Wayback Machine, քաղաքական գործիչ։

Կենսագրություն

Ծնվել է 1974 թվականին, հունիսի 19-ին, Ստեփանակերտ քաղաքում։

Կրթություն

1991 թվականին ավարտել Է Ստեփանակերտի համար 8 միջնակարգ դպրոցը և նույն տարում ընդունվել Կիրովականի պետական մանկավարժական ինստիտուտի Ստեփանակերտի մասնաճյուղի «Ընդհանուր տեխնիկական առարկաներ» ֆակուլտետը։ Այնուհետև տեղափոխվել է ԱրՊՀ-ի «Գյուղատնտեսության մեքենայացում» բաժին և 1997 թվականին ավարտելով այն՝ ստացել ինժեներ-մեխանիկի որակավորում։
2004 թվականին ավարտել է Հայաստանի Երևանի մենեջմենթի Համալսարանի «Իրավագիտություն» բաժինը՝ ստանալով իրավաբանի որակավորում։

Ծառայություն

1994-1996 թվականներին ծառայել է Արցախի Պաշտպանության բանակում։

Կարիերա

1996-1999 թվականներին աշխատել է «Գայանե» անհատական ձեռնարկությունում՝ որպես ինժեներ։
1999 թվականին աշխատանքի է ընդունվել Ստեփանակերտի քաղաքապետարանում Արխիվացված 2020-07-25 Wayback Machine, սկզբում՝ որպես կոմունալ տնտեսության, շինարարության և բարեկարգման բաժնի 1-ին կարգի մասնագետ, այնուհետև՝ որպես բնակարանային և կոմունալ բաժնի 1-ին կարգի տեսուչ, ապա որպես՝ ֆինանսատնտեսական բաժնի գլխավոր մասնագետ։
2000 թվականին նշանակվել է բնակարանային բաժնի վարիչ։
2001-2004 թվականներին աշխատել է բնակարանային և կոմունալ տնտեսության բաժնի վարիչի, 2005-2006 թվականներին՝ բնակարանային, կոմունալ տնտեսության և բարեկարգման բաժնի պետի պաշտոններում։
2006-2008 թվականներին աշխատել է ԼՂՀ նախագահի աշխատակազմի տնտեսագիտական վարչության պետի տեղակալի պաշտոնում։
2008-2020 թվականներին աշխատել է Ստեփանակերտի քաղաքապետի տեղակալի Արխիվացված 2020-07-27 Wayback Machine պաշտոնում։
2020 թվականի մարտի 31-ին խորհրդարանական ընտրություններում «Ազատ հայրենիք - ՔՄԴ» կուսակցությունների դաշինքի համամասնական ցուցակով ընտրվել է Արցախի Հանրապետության 7-րդ գումարման Ազգային ժողովի պատգամավոր Արխիվացված 2020-08-11 Wayback Machine, Արցախի Հանրապետության Ազգային Ժողովի արտադրության և արտադրական ենթակառուցվածքների հարցերի մշտական հանձնաժողովի անդամ Արխիվացված 2020-08-09 Wayback Machine։